Ыам ыйын 26 — 27 күннэригэр Майаҕа «Манчаары» стадиоҥҥа, Мэҥэ-Хаҥалас улууһун нэһилиэктэрин икки ардыларыгар 2023 сыллааҕы Комплекснай Спартакиадатын түһүмэҕэр, многоборьеҕа Москва куорат чемпиона, чэпчэки атлетикаҕа Саха АССР уонна Илин Сибиир хас даҕаны төгүллээх чемпиона уонна рекордсмена, Саха Республикатын норуодунай артыыһа, I-кы Тыыллыма нэһилиэгин, Мэҥэ-Хаҥалас, Кэбээйи улуустарын уонна Саха Республикатын Бочуоттаах олохтооҕо Аркадий Михайлович АЛЕКСЕЕВ бирииһигэр, чэпчэки атлетикаҕа биирдиилээн уонна хамаанданан бастыыр иһин улуус Чемпионата ыытыллан түмүктэннэ. Чемпионатка улуус 13 нэһилиэктэрин хамаандалара кэлэннэр тыҥааһыннаах күрэхтэһиилэр ыыттылыннылар.
Бастакы күн ыам ыйын 26 күнүгэр күрэхтэһии программатыгар олоҕуран, эр дьоннор уонна дьахталлар 100м, 400м, 1500м сүүрүүгэ уонна уһуну ыстаныыга илин-кэлин түсүһэн күрэхтэстилэр. Иккис күн ыам ыйын 27 күнүгэр Чемпионат программатын чэрчитинэн эр дьоннор уонна дьахталлар 200м, 800м сүүрүүгэ, үстэ төхтүрүйэн ыстаныыга, ядроны быраҕыыга, эр дьоннор 5000м, дьахталлар 3000м сүүрүүгэ күрэхтэстилэр.
Чэпчэки атлетика Чемпионата, эр дьоннор уонна дьахталлар хамаандаларын икки ардыларыгар 4×100м эстафетатын тыҥааһыннаах күрэҕинэн түмүктэннэ
Чэпчэки атлетика Чемпионатын уопсай түмүгүнэн биһиги Харабыт хамаандата Майа Бүтэйдээх кэнниттэн 3 миэстэни ылары ситистэ:
1 миэстэ — Майа (341 очко)
2 миэстэ — Бүтэйдээх (268 очко)
3 миэстэ — Хара (263 очко)
Нэһилиэкпит чиэһин көмүскээбит бары спортсменнарбытыгар махталбытын биллэрэбит.
