Харабыт үтүө түөлбэтин Ыһыаҕа өрүү буоларын курдук үрдүк таһымҥа төрүттэннэ! Тоҕуоруһа мустубут дьон-сэргэ Аар Айылҕатыгар чугаһаан, Аал уотун нөҥүө сирдээҕи үтүө иччилэрбитин кытта ситимнэрин ситэрэн, ол нөҥүө өндүл маҥан халлааҥҥа олохсуйан үөскээбит Үөһээ Үрдүк Айыыларбытыгар сүгүрүйэн ис эйгэлиин кэҥээн-хаҥаан эрэл кыымын сахтылар. Мантан антах бука бары тутуспутунан күн ахсын дьоллоох олоҕу сомсорбутугар Аар Айылҕабыт үтүө […]

Оҕо көмүскэлин күнүгэр ханыылыы Харабыт үтүө түөлбэтигэр Саха Балаҕанын тутуута саҕаланна! Биллэрин курдук хас биирдии хамсаныыбыт эдэр кэнчээрилэрбитигэр анаан саҕыллан тахсара саарбаҕа суох. Онон бэлиэ күҥҥэ тутуу саҕаламмыта олус үтүө суолталаах буолла.Субу күнтэн ылата Харабыт үтүө түөлбэтин олохтоохторо кэлэ-бара көмөлөһөн, ситэрсэн-хоторсон ааһаргытыгар ыҥырабыт. Туппуппут тупса турдун! Ылсыбыппыт ылсан истин!Алгыс АчыырапАЙЫЛЛААН ААРТЫКТАРА

Ырыа, ырыа барахсан. Эн, иэгэйэр икки атахтааҕы, иннинэн сирэйдээҕи сүрэҕин сүүйэн, иэтэн-куотан истиҥин-иһирэҕин уһугуннараҕын, сырдыкка-кэрэҕэ тардыһыннараҕын, дьикти абылаҥҥа ыллараҕын, истиҥ иэйиигэ киллэрэҕин. Ырыа — киһини үөрүүгэ үрдүк өрөгөйдүүр, хомолтоҕо уоскутар, хаайтарбыт иэйиитин көҥүлгэ таһаарар дьикти күүстээх. Ыам ыйын 22 күүгэр Самаан сайыммытын уруйдуу көрсөр үтүө мааны күммүтүгэр Саха Өрөспүүбүлүкэтигэр Култуура, Саха сиригэр Ырыа күнүгэр «Сандара […]

Улуустааҕы доруобуйаларынан хааччахтаах дьоннор обществоларын тэрийиитинэн Ньукуолун күнүн көрсө Байанай күнэ тэрээһиннээхтик ыытылынна. Бу күн араас нэһилиэктэн мустан 8 команда спорт көрүҥнэригэр: корнхол, воздушка саанан ытыы, сылабаар өрүүтэ, команданан «бэьиэлэй стартар» курдук күрэхтэьиилэр ыытылыннылар. Уопсай түмүккэ Майа 1, Төнүгү 2, Хара 3 миэстэни ылан үөрдүбүт көттүбүт.Бөкө нэһилиэгин тэрийээччилэрэ ыалдьыттары кус, буотарах миининэн күндүлээн кырдьык да […]

Ньукуолун- сайын кэлиитин көрсүү   Күөх окко үктэнии бэлиэ кэмигэр, Ньукуолун чэчиэринньигэр, харабыт үтүө түөлбэтигэр ыам ыйын 21 күнүгэр “Айыллаан” култуура  аҕам саастаахтарбытыгар анаан кутааҕа буспут кус миинэ, арыылаах алаадьылаах остуол тардылынна. Эҕэрдэ тылы “Хара нэһилиэгэ” тыа сирин түөлбэтин баһылыга Дария Назарова, И.Г.Игнатьев аатынан Хара орто спортивнай оскуола дириэктэрэ Алексей Оконешников, аал уот иччитин нөҥүө […]

Былыр былыргыттан ынах сүөһү сайыҥҥы мэччирэҥҥэ тахсыыта саха дьонугар-сэргэтигэр туохтааҕар да кэтэһиилээх, дьоһун суолталаах кэминэн буолар. Бу элбэҕи эрэннэрэр ураты тыыннаах кэмҥэ ыаллар сүөһүлэрин кытта сайылыкка тахсан үлэлээн-хамсаан дьылы этэҥҥэ туоруур олук ууруллара. Ол иһин сайылыкка тахсан сиэри-туому толорон, быйаҥнаах сайыны, өҥ дьылы көрдөһөллөрө. Хайа да кэмҥэ сайылык үлэҕэ эрэ буолбакка, үгэстэри тутуһарга, духуобунай сыаннастарга […]

Ыам ыйын 19 күнүгэр, Айыллаан култуура киинигэр Арассыыйаҕа норуоттар сомоҕоһууларын, Саха Өрөспүүбүлүкэтигэр Култуура сылларын чэрчитинэн Хара нэһилиэгин бочуоттаах олохтооҕо үлэ бэтэрээнэ КИР НАДЕЖДА ХЕН “Иис уус абылаҥа” айар үлэтин көрдөрөр быыстапка үөрүүлээх быһыыга-майгыга арылынна. Быыстапканы иилээн-саҕалаан ыытта Айыллаан култуура киинин режиссера  Николай Васильев ыытта  Бу дьоро киэһэ Надежда Хены эҕэрдэлээри, кини дириҥ суолталаах айымньыларын көрөөрү […]

🌀Ыам ыйын 16 күнэ Таатта улууһун устуоруйатыгар уонна култуурунай олоҕор биир саамай чаҕылхай, өрө күүрүүлээх күнүнэн буолла. Бу күн Таатта сиригэр-уотугар Саха сирин норуодунай маастара, бөлүһүөк Мандар Уус сүдү айымньытын — Моҕол Ураһаны — хаттаан сөргүтүүгэ уонна чөлүгэр түһэриигэ анаммыт Көмө күнэ үрдүк таһымнаахтык ыытылынна.П.А. Ойуунускай аатынан норуодунай тыйаатыр бу күн нэһилиэнньэ түмэр киинигэр, сомоҕолоһуу […]

Бу уоттаах сэриигэ төрөөбүт ийэ буор сирдэрин көмүскүү Хара нэһилиэгиттэн “Сталин” аатынан холкуостан 110  киһи сэриигэ ыҥырыллыбыта. Сэрии толоонугар 39 буойун охтубута, 71 буойун дойдуларыгар эргиллибиттэрэ.Өйдүүбүт.Сүгүрүйэбит.Махтанабыт .https://rutube.ru/video/private/d23fd27bab206e2a41603f723a9ffc30/?p=i473id_6ySjbx4W25eYeAQ

81 сыл ааста уруй-айхал өрөгөйө дуораһыйбыт сааскы сандал күнүттэн. Бүгүҥҥү олохпут үрдүк кэрдиистэрэ-чэлгийэ үүммүт куораттара, сэрии муҥун билбэтэх кэнчээри ыччат — бу барыта Улуу Кыайыы тыына, Улуу Кыайыы сарыала. Кыайыы! Кыайыы өрөгөйө! 81 сыл анараа өттүгэр ыам ыйын 9 күнүгэр радионан Улуу Кыайыы кытыастар кыһыл былааҕа өрө көтөҕүллүбүтүн туһунан биллэрбиттэрэ. Ити күн кыайыы өрөгөйүн Майаҕа […]

Саха Өрөспүүбүлүкэтигэр Култуура сылынан, Аан дойду үҥкүүтүн күнүгэр аналлаах „Үҥкүү алыптаах эйгэтэ“ диэн үҥкүү кэрэ киэһэтин арыйар истиҥ тэрээһин «Айыллаан» култуура киинигэр ыытылынна. Үҥкүү… бу киһи дууһатын тыына, этин-сиинин кэрэтэ. Үҥкүүһүт сирдээҕи аанньал, кини хамсаныыта – саас иэйиитэ, салгын сипсиэрэ. Айыллаан култуура киинин балетмейстера, Айыллаан Аартыктарын Аламай Аартыга Мария Романова салайыылаах кэллэктииптэрэ: Дьулуур, Кэрэл, Күн […]

Саха Өрөспүүбүлүкэтин күнүнэн эҕэрдэлиибит! Биһиги биир дойдулаахтарбыт Кыайыы скверыгар тыа хаһаайыстыбатын наукатын доктора, СӨ норуотун хаһаайыстыбатын үтүөлээх, Арассыыйа уонна Саха сирин агропромышленнай комплексын Бочуоттаах үлэһитэ Айаал Иванович Степанов бюстугар. Харатааҕы спортивнай орто оскуола иннигэр РСФСР култууратын үтүөлээх үлэһитэ, СӨ норуотун хаһаайыстыбатын үтүөлээх үлэһитэ, «Бочуот знага» уордьан үс төгүллээх кавалера, СӨ, Москва, Дьокуускай куораттар, Алдан, Мэҥэ […]

Саха Өрөспүүбүлүкэтин көрсө Автопробег https://rutube.ru/video/private/13ea42c18bea11ce31ead15163b19ac0/?p=p9FekHIvVbVGCZD-WkAyuQ

Муус Устар 18 күнүгэр, Хара нэһилиэгин Куоӈ Харах Ипподромугар эр дьоӈӈо аналлаах аһаҕас «Баай Барыылаах Тойон Эһэм» диэн күрэхтэһии ыытылынна!Күрэхпит эр дьону чөл олох тула түмүү, Үүнэр көлүөнэ ыччакка өбүгэ үгэһин тарҕатыы, Чөл, чэгиэн  олоҕу тутуһуу сыаллаах-соруктаах буолла.Күрэхтэһии саҕаланыытыгар булт көӈүлүн иннинэ эр дьоӈӈо аал уоту оттон Алгыс ыытылынна, алгыһы Илгэлээх Испирдиэн ыытта. Алгыс кэннэ […]

Афанасий Петров төрөөбүтэ 75 сылыгар аналлаах буоксаҕа 4 күннээх аһаҕас өрөспүүбүлүкэтээҕи турнир тэрилиннэ Муус устар 2-5 күннэригэр И.Г.Игнатьев аатынан Харатааҕы успуорт оскуолатыгар ССРС успуордун маастарыгар хандьыдаат, «Урожай» уопсастыба 10 төгүллээх чөмпүйүөнэ, Саха сиригэр ыытыллыбыт буоксаҕа бастакы идэтийбит киирсии кыайыылааҕа Афанасий Федорович Петров төрөөбүтэ 75 сылыгар уонна буокса сайдыытын 70 сылыгар аналлаах аһаҕас өрөспүүбүлүкэтээҕи турнир түһүлгэтэ […]

Олунньу 13 күнүгэр Төрөөбүт тыл уонна сурук-бичик күнүгэр аналлаах 12-с төгүлүн ыытыллар «Сахалыы дьыктаан -2026» суруйуута Хара нэһилиэгин үтүө түөлбэтин «Айыллаан» култуура киинигэр бибилэтиэкэ ааҕааччыларыгар анаан ыытылынна. Уопсайа 15 кыттааччы көхтөөх кыттыыны ылан, бэйэлэрин билиилэрин тургуттулар. «Сахалыы дьыктаан» 2014 сылтан ыытыллар. Аахсыйаны тэрийээччилэр М.К. Аммосов аатынан ХИФУ Арассыыйа Бэдэрээссийэтин Хотугулуу-Илиҥҥи норуоттар тылларын уонна култуураларын үнүстүүтэ, […]

“Дьоруой баартата”, ол эбэтэр, хорсун быһыы хаһан да умнуллубат 🪖 И.Г.Игнатьев аатынан Харатааҕы орто уопсай үөрэхтээһин оскуолатыгар тохсунньу 27 күнүгэр биир умнуллубат, эмиэ да үөрүүлээх, эмиэ да кутурҕаннаах бэлиэ күн үүннэ. 🐻‍❄️  Дойдубут “Биир ньыгыл Арассыыйа” баартыйатын көҕүлээһининэн үөрэнээччилэргэ биир дойдулаахтарын – Дьоруойдар килбиэннээх, хорсун быһыыларын санатар, кинилэр сырдык ааттарын үйэтитэр, дойдуга бэриниилээх буоларга иитэр […]

Хараҕа чемпионнар бааллара. Хара нэһилиэгэр «Айыллаан» култуура киинигэр тохсунньу 16 күнүгэр успуортка үрдүк ситиһиилэри ылбыт спортсменнарбытын чиэстиир  «Чемпионнар бааллара» үрдүк тэрээһиннээхтик буолан ааста. 2025 сылга Хара нэһилиэгэ Мэнэ Ханалас улууһун нэһилиэктэр икки ардыларынааҕы комплекснай спартакиадатыгар иккис миэстэни ылбыта буолар.  Бу ситиһиини ыларга «Хара нэһилиэгэ» тыа сирин түөлбэтэ, баһылык Назарова Д.И. спортинструктор, “Айыллаан” култуура киинин директора […]

Сэрэбиэйдэнии көрүҥнэрин билиһиннэрии көрдөрүү https://rutube.ru/video/5701ee58e776905af9bdf7012d5b7a66/

«Кыһын Саха сириттэн саҕаланар» бэстибээл иитинэн Харабыт үтүө түөлбэтигэр Саҥа Дьыллааҕы харыйабыт уота күлүмүрдүү сандаарда. https://rutube.ru/video/448f41fbc4d1b87187031e53035adbdd/

Сахабыт сиригэр сэтинньи ый 25 күнүгэр Олоҥхо, сэтинньи 30 күнүгэр Хомус күннэринэн биллэриллибитэ. Ол чэрчитинэн “Уруйдан улуу Олоҥхо, Айхаллан хомус дорҕооно Харабыт түөлбэтигэр!” Саха сиригэр олоҥхо уонна хомус күннэригэр аналлаах тэрээһин этэҥҥэ буолан ааста. https://rutube.ru/video/c87a779f66e7a5ac649d613c7c339029/

Харабыт нэһилиэгэр сэтинньи ый 19-21 күннэригэр үс күн устата «Төрөппүт дьоло — оҕотугар» диэн марафон бэрт сэргэхтик уонна уратытык ааста! Бу хамсааһыны «Хара нэһилиэгэ» тыа сирин түөлбэтин олохтоох дьаһалта, Мэҥэ Хаҥалас улууһун полициятын отдела уонна И.Г.Игнатьев аатынан Харатааҕы спортивнай орто оскуола көҕүлээһиннэринэн чөл олоҕу кэнчээри ыччакка тарҕатар сыаллаах ыытылынна. Марафон маҥнайгы күнүгэр, алын кылаас оҕолоругар […]

Сэтинньи 13 күнүгэр Аллараа Бэстээх култууратын киинигэр “Мындыр саас” бырайыак чэрчитинэн 12 төгүлүн “Сулустаах эстафета” аҕам саастаахтар фестиваллара “Биһиги Сойууска төрөөбүт дьоллоохпут” диэн девизтаах үрдүк таһымҥа ыытылынна. Биһиги нэһилиэктэн 38 киһи кыттыыны ылла. Уус уран кэнсиэргэ уопсайа 7 нүөмэр көрдөрүлүннэ, ол курдук: Өйтөн сүппэт умнуллубат ааспыт кэми ахтан санаан ааһар биир үтүө тэрээһин үрдүк таһымҥа […]

Сэтинньи 12 күнүгэр «Айыллаан» култуура киинигэр Элиэнэ Егоровна — Куорсуннаах салайааччылаах «Өбүгэ ситимэ» норуот эмчиттэрин ассоциацията Ийэ күнүн чэрчитинэн тэрээһини үрдүк таһымҥа ыытта. Араас хайысхаҕа маастар кылаастар ыытылыннылар. Ол курдук: харысхал иҥнэлик, гипсэттэн оҥоһуктар, ситии хатыыта, «Өбүгэ күүһэ» арт терапия, «Өрөгөй ыллыга» трансформационнай оонньуу, ону таһынан макияж, укладка оҥосторго сүбэлэр. Ийэ уонна оҕо икки ардыгар […]

Хараттан төрүттээх Россия геройун Родимир Максимов — Бурхаат, «Эр санаа» уордьан кавалера Ион Дмитриев — Аманы кытта көрсүһүү түгэннэрэ

«Аҕа дойду иһин» Саха Өрөспүүбүлүкэтин Байыаннай дьайыы бэтэрээннэрин Ассоциациятын «Дойду көмүскээччилэрин ийэлэрэ» өйдөбүнньүк анал байыаннай дьайыыга сылдьыбыт, сылдьар уолаттарбыт ийэлэригэр Раиса Иннокентьевна Егороваҕа, Анисия Петровна Варламоваҕа мэтээл туттарылынна.Уолаттарбытыгар этэҥҥэ эргиллэн кэлэн эйэлээх халлаан анныгар айа-тута үлэлииллэригэр, күн күбэй ийэлэрбитигэр тулууру, доруобуйаны баҕарабыт.

https://rutube.ru/video/private/52651549aba8e397ee39b96eda6f7fa9/?p=2auwHkObOp7toK1XoUp-XQ

«Өрүүтүн махтаныаҕын! Үйэлэргэ сүгүрүйүөҕүн» улуус маҥнайгы ыһыаҕа тэрилиннэ Бачыымы, саҥаны тарҕаппыт, Бастыҥнар ааттарын ааттаппыт, Ат сүүрэр, ыһыахтыыр кындыллаах Алаарар Куон Харах алаастаах. Мин Харам – киэн туттан ааттыыбын (В.Сидоров) Бэс ыйын 12 күнүгэр Арассыыйа күнүн, Улуу Кыайыы 80, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи, улууска Тыа хаһаайыстыбатын сылларын чэрчитинэн Хара нэһилиэгэр «Өрүүтүн […]

Саха омук- улуу омук. Субуллар мындыр өйдөөх, үтүө көнө майгылаах, сатабыллаах, үүнэр — сайдар кэскиллээх!Муус устар 27 күнэ үөрүүлээх күн! Мин күнүм, Эн күнүҥ, САХА күнэ!РСФСР культуратын үтүөлээх үлэһитэ, Саха Республикатын норуотун хаһаайыстыбатын үтүөлээх үлэһитэ, «Бочуот Знага» уордьан үс төгүллээх кавалера, Саха Республикатын, Москва, Дьокуускай куораттар, Алдан, Мэҥэ Хаҥалас улуустарын Бочуоттаах гражданина Игнатьев Иннокентий Гаврильевич […]

Муус устар 25 күнүгэр Саха Өрөспүүбүлүкэтин күнүн көрсө, Улуу Кыайыы 80 сылыгар аналлаах«ЗНАТОК» өй — билии оонньуута ыытыллынна. Уопсайа 6 хамаанда кыттыыны ылла.Өй — билии оонньуутун ыытааччыта Феликс Спартакович Титов тэрээһини иилээн — саҕалаан үрдүк таһымҥа ыытта. Кыттааччылар уопсайа 15 араас ис хоһоонноох сытыы боппуруостарга хоруйдары биэрэн билиилэрин тургуттулар.Күрэххэ «Кэрэчээн» оҕо уһуйаана, «Спирстар», «Сырдык СФР», […]

«Баай барыылаах Тойон Эһэм!» күрэх2012 сыллаахха Ил Дархан ыйааҕынан Саха Өрөспүүбүлүкэтигэр Булчут күнэ олохтоммута. Ол чэрчитинэн муус устар 20 күнүгэр Хара нэһилиэгэр “Куоҥ Харах” ипподромугар «Баай барыылаах Тойон Эһэм!» аһаҕас эр дьон икки ардыларыгар хамаанданан ыытыллар ааттаах үчүгэй тэрээһин бэрт сэргэхтик ааста. Бу күрэх сыала-соруга эр дьону чөл олох тула түмүү, үүнэр көлүөнэ ыччакка өбүгэ […]

Муус устар 4 күнүгэр Аллараа Бэстээххэ «Парус» спортивнай уораҕайыгар ыытыллыбыт «Мэҥэ Уус 2025» быыстапка дьаарбанкаҕа биhиги нэhилиэктэн 5 киһи кыттыыны ылла. Кыбытан тигиигэ Мэҥэ Хаҥалас улууһун норуотун маастара Матрена Тарская, кылга — сиэлгэ Любовь Дмитриева, Анастасия Григорьева, туос оҥоһуктарга Петр Григорьев, сыахайга Светлана Дмитриева. Бары туоһу суругунан бэлиэтэннилэр. Ону тэҥэ Мэҥэ Хаҥалас улууhун норуотун маастарын […]

Хомус диэн музыкальнай инструмент. Бу саха эрэ норуотугар буолбакка, бары норуокка үгүстүк тарҕаммыт тэрил буолар. Ол эрээри, саха курдук, хомуһу өрө туппут омук суох. Саха хомуһа тыаһа ырааһынан, тыына уһунунан аан дойдуга аатырыан аатырар. Кини ураты оҥоһуутугар, матырыйаалыгар, форматыгар болҕомто ууруллар. Сэтинньи 30 күнэ — Хомус күнэ. Бу күн  Егор Борисов Ил Дарханынан олорон  2011 […]

V фестиваль трудовых коллективов28-29 ноября в г.Якутске ДК им. Кулаковского прошел V фестиваль художественного творчества трудовых коллективов Республики Саха (Якутия) под девизом «Славим дружбой и трудом край Олонхо!» Основным организатором является Федерация профсоюзов РС(Я), председатель Н.Н.Дегтярев.27 ноября в рамках дня профсоюзного работника республики Саха (Я) председатель Федерации профсоюзов РС(Я) Николай Дегтярев от имени председателя М.В.Шмакова […]

Игнатьев Иннокентий Гаврилович1929 сыллаахха сэтинньи 21 күнүгэр Мэҥэ Хаҥалас улууһугар Хараҕа колхуостаах бааһынай кэргэнигэр төрөөбүтэ.1950с. Дьокуускайдааҕы педучилищены бүтэрбитэ.1954с.-Москва куорат Физическай Культура Государственнай Институтун туйгуннук бүтэрэн физкультура учуутала идэлэммитэ.1955с.-Саха АССР Министрдарын Советын Физическай Культура уонна Спорт республикатааҕы Комитетын бэрэсэдээтэлин солбуйааччы.1955-1956с.с.-Дьокуускайдааҕы комсомол комитетын секретаарынан уонна 1 секретаарынан үлэлээбитэ.1959-1960с.с.-Советскай Социалистическай Коммунистическай Партия Уобаластааҕы Комитетын Дьокуускайдааҕы Пропаганда уонна агитация […]

Сэтинньи ый 25 күнүгэр “Уруйдан олоҥхо Манчаары дойдутугар!” Мэҥэ Хаҥалас улууһугар олоҥхо ыйын чэрчитинэн Хара  нэһилиэгин үтүө түөлбэтин, дьондойор саалатыгар “ Айыллаан” култуура киинин сырдык уораҕайыгар “ДЬЭ! ОЛОҤХО!” диэн тэрээһин ыытылынна. Саха сиэринэн алаадьылаан, саламааттаан, сахалыы сыт таһааран, арчылаан ыалдьыттарбытын көрүстүбүт. Сэргэх тэрээһиҥҥэ кыттыыны ыллылар И.Г.Игнатьев аатынан Хара спортивнай орто оскуолатын  6-7 кылаас үөрэнээччилэрэ, учууталлара, […]

https://rutube.ru/video/private/215b5effd5729a22370571056500e2da/?p=XsScZR6Dp-sNXMC_Vwt1jA Сэтинньи ый 4 күнэ — Арассыыйа үрдүнэн норуоттар сомоҕолоһууларын күнэ бэлиэтэнэр. Саха Сирэ судаарыстыбаны бөҕөргөтөргө уонна Россия уопсастыбатын сомоҕолуурга дьоһун кылааты киллэрэр. Онон сирдэтэн Сэтинньи ый 4 күнүгэр «Айыллаан» култуура киинигэр киэһэ 19:00 чаастан, биһиги нэһилиэкпит иһинэн үлэлии-хамсыы, айа-тута олорор тэрилтэлэрбит, ытыктанар аҕам саастаах, кэлэр кэнчээри оҕолорбут, кэскиллээх ыччаттарбыт кыттыылаах «Бары бииргэ! Биир сомоҕо!» […]

Арассыыйаҕа дьиэ кэргэн, Саха Өрөспүүбүлүкэтигэр Оҕо саас, Мэҥэ Хаҥаласка тыа хаһаайыстыбатын уонна үөрэҕирии 150 сылыгар, Хара нэһилиэгэр дойдуга бэриниилээх буолуу сылларыгар «Аҕа дьоло — оҕотугар» Бүтүн Арассыыйа үрдүнэн ыытыллар Аҕалар күннэригэр аналлаах тэрээһин Алтынньы ый 24 күнүгэр, «Айыллаан» култуура киинигэр ыытыллан ааста. Уопсайа алта хамаанда саастарынан 3 бөлөххө арахсан кытынна. 5 аҕа оҕолорунаан сахалыы төрүт […]

Бүгүн Улуу Кыайыы 80 сылын көрсө Олохтоох көҕүлээһини өйүүр бырагыраамма чэрчитинэн өрөмүөнэммит Кыайыы Искибиэрин үөрүүлээх арыллыыта ыытылынна. 275 киһи кэлэн кыттыыны ылла. Нэһилиэк баһылыга Д.И. Назарова 2025 сылга барыллаан куоластааһыҥҥа кыайбыт 3 бырайыагы билиһиннэрдэ. № 1 бырайыак В.М.Егоров аатынан «Чыпчаал» КСК өрөмүөнэ № 2 бырайыак Юбилейнай уулусса суолун өрөмүөнэ № 3 бырайыак Мира уулусса суолун […]

С Днем государственности Республики Саха (Якутия)!  27 сентября 1990 г. была подписана Декларация о государственном суверенитете Якутской-Саха ССР, которая определила развитие республики на многие годы вперед. Желаем в этот знаменательный день крепкого здоровья, счастья и благополучия!

Бүгүн, балаҕан ыйын 13 күнүгэр, Майа сэлиэнньэтин «Манчаары» спорт уораҕайыгар буулдьанан ытыыга улуус спартакиадатын чемпионата ыытылынна. Уопсайа 21 нэһилиэктэн 42 киһи кыттыыны ылла.Сүрүн судьуйанан Александр Сидоров, сэкирэтээринэн Клавдия Тихонова үлэлээтилэр. 🔸Биирдиилээн бастыыр иһин күрэх түмүгүнэн:Эр дьоҥҥо🥇I миэстэ — Федор Борисов (Балыктаах),🥈II миэстэ — Андросов Александр (Төҥүлү),🥉III миэстэ — Сидоров Гаврил (Хара); Кэрэ аҥардарга🥇I миэстэ — […]

Балаҕан ыйын 11 күнүгэр  Хара нэһилиэгин Үлдьүҥэхтээх кыбаарталыгар Бүтүн Арассыыйа үрдүнэн сүүрүү уонна хаамыы “Кросс Наций-2024” үрдүк таһымнаахтык ыытылынна. Тэрээһин 2004 сылтан 20 сыл устата физическэй культураны уонна спорту нэһилиэнньэҕэ тарҕатааһын уонна чөл олоҕу тутуһуу быһыытынан тэриллэр сылын аайы ыытыллар. Бу тэрээһиҥҥэ кыттыыны ыллылар Харатааҕы “Кэрэчээн” уһуйаан бэлэмнэнии бөлөҕө, И.Г.Игнатьев аатынан Хара спортивнай орто оскуола […]

КУОҤ ХАРАХ түһүлгэбит туонатыгар Алгыс ылынан, салама ыйаан, кус миинэ иһэн күннээтибит. 23 ытык-мааны бэтэрээммитигэр иккилии куһу сааскы бултан бэристибит. Онон байанайдаах булчуттарбытыгар, эркин курдук эрэнэр эр дьоммутугар барҕа махтал! Саха үгэһин сиэринэн кыаммакка көмө, тирэх буолан Айыыһыт мааны оҕото буолуҥ аартыккыт арыллан сайдан истин, Баай Барыылаах Байанай өрүү бэрсэ турдун.