Мэҥэ Хаҥалас улууһун култууратын үлэһиттэрин спартакиадалара.
Ыам ыйын 31 күнүгэр “Ураһалаах” алааһыгар Мэҥэ Хаҥалас улууһун култуураҕа уонна духуобунай сайдыыга управлениетын уонна култуура үлэһиттэрин профсоюһун көҕүлээһиннэринэн үгэскэ кубулуйбут Мэҥэ Хаҥалас улууһун култууратын үлэһиттэрин спартакиадалара буолан ааста. Уопсайа 7 хомуур хамаанданан волейболга, буулдьанан ытыыга, саастарынан бөлөхтөрүнэн эстафетаҕа, көрдөөх стартарга, ханаат тардыһыытыгар күөн көрүстүлэр, кыттыыны ыллылар ол курдук:
- Байкаловтар (2-с Наахара, 1-ы Наахара, Холгума, Чыамайыкы, Тараҕай, Бүтэйдээх, Алтан, Моорук нэиһилэиктэрэ)
- Дьоруойдар (Дьаҥхаада, 3-с Мэлдьэхси, 1-ы Баатара, Хорообут, Баатара нэһилиэктэрэ)
- Хоту КОМО (Дьабыл, Төҥүлү, Доллу, Араҥас, Мэҥэ, Мөҥүрүөн, Дойду нэһилиэктэрэ)
- Киин КОМО (Д.Ходулов аат. НАДЬ, Хара, Ходоро, Догдоҥо, 1-ы Тыыллыма нэһилиэктэрэ)
- Приленскэй (Россолоуода, Нөрүктээйи, Хаптаҕай, 2-с Тыыллыма нэһилиэктэрэ уонна Аллараа Бэстээх бөһүөлэгэ)
- Всегда готовы (И.Сосин аат. Улуустааҕы киин библиотека, Кыталык оҕо эстетическэй киинэ, Р.Г.Васильев аат. Кыраайы үөрэтэр түмэл)
- Управление культуры (Майатааҕы музыкальнай оскуола, Г.Г.Колесов аат. Олоҥхо дьиэтэ, улуустааҕы култуура уонна духуобунай сайдыы салалтата)
Уопсай түмүккэ “Хоту КОМО” хамаандата 11 очукуолаах бастакы миэстэн ылла, биһиги “Киин КОМО” хамаандабыт 15 очукуолаах иккис миэстэни ылары ситистэ уонна үһүс бириистээх миэстэҕэ “Приленскэй” хамаандата таҕыста.
Улууспут култуураҕа уонна духуобунай сайдыыга салалтатыгар ону тэҥэ култуура үлэһиттэрин профсоюһугар, маннык үтүө өйдөбүнньүк буолар кэрэ бэлиэ түгэннэри бэлэхтээбиккитигэр биир сомоҕо буолар өйү-санааны түмэр үтүө күрэҕи тэрийбиккитигэр кыттааччылар ааттарыттан махталбытын биллэрэбит.
