Ођо суруйааччыта, фольклорист. Россия Наукаларын Академиятын Сибиирдээђи салаатын уонна Гуманитарнай чинчийэр институт үтүөлээх ветерана. «Гражданскай килбиэн», «Учууталлар учууталлара» анал бэлиэлэр хаһаайыннара. Саха республикатын культуратын үтүөлээх үлэһитэ. 1992 сылтан Россия суруйааччыларын уонна суруналыыстарын союhун чилиэнэ. Хара нэһилиэгин, Мэңэ – Хаңалас улууhун бочуоттаах гражданина. Петр Никифорович Дмитриев 1938 сыллаахха бэс ыйын 4 күнүгэр Мэңэ-Хаңалас улууһун Хара нэһилиэгин Айалаах диэн сиригэр колхозтаах дьиэ-кэргэнигэр төрөөбүтэ.
1964 сыллаахха Саха государственнай университетын историко-филологическай факультетын бүтэрбитэ. Ороссолуода ађыс кылаастаах оскуолатын директора.
Мэңэ – Хаңалас ВЛКСМ райкомун бастакы сэкэрэтээрэ. 1972 сыллаахтан Саха республикатын НА гуманитарнай чинчийии институтун научнай үлэhитэ.
Фольклорнай экпедиция салайааччыта. Кини 100 – чэ кэриңэ научнай, фольклорнай публикациялаах. Кини көмөтүнэн 30 – ча биллиилээх олоңхоhуттар толорбут олоңхолоро суруллубуттара: Н.И.Степанов — Ноорой «Улдьаа Боотур», П.П.Ядрихинскай «Күн Дьоллут», А.Д.Тотонова «Улуу Даарын бухатыыр», С.С.Николаев «О5о Тулаайах», С.И.Собакин «Ођо Ньургун», А.С.Васильев «Модун Эр бухатыыр» уо.д.а.
Петр Дмитриевич салалтатынан бэчээттэнэн тахсыбыттара : П.П.Ядрихинскай – Бэдьээлэ «Дьырыбына Дьырылыатта», Н.И.Степанов – Ноорой «Күн Эрили», А.Т.Титаров «Хардааччы Бэргэн», С.Г.Алексеев – Уустарабыс «Бэриэт Бэргэн» олонхолоро. Г.В.Поповтуун «Якутский фольклор» диэн хрестоматияны оңорбута.
«Көлүөнэлэр төлөннөрө», «Владимир Державин. Биобиблиографический справочник» диэн брошюралары бэчээттэппитэ.
«Памятники фольклора народов Сибири и Дальнего Востока» серия саха фольклорун томнарыгар кохтоох кыттыыны ылбыта.
