Илья Иванович 1887 с. дьадаҥы дьиэ кэргэҥҥэ төрөөбүт. Илья Иванович 1932с. Сталин аатынан колхозка тимир ууһунан үлэлээбитэ, сүрдээх мындыр толкуйдаах буолан ыарахан үлэни чэпчэтэр саҥаны айааччынан (рационализатор) улаханнык биллибитэ. 1937 сыллаахха күл ыһар массыынаны толкуйдаан оҥорбута, ол массыынатын оҕуруот аһын, бурдук ыһыытыгар эмиэ туһаналлара. 1947 с. бурдук быһар массыынаны бурдугун мээнэ ыспатыгар анаан бурууһун эргитэн платформатын кытта тэҥнээн уларытан оҥорбута. 1951 с. турнепыһы олордор-ыһар массыынаны айбыта, онон биир киһи 1 күҥҥэ 10-ча сиргэ ыстарыан сөптөөҕө. Бу сылларга оту кэбиһэр агрегаты оҥорбута, онон күҥҥэ 45тн. оту кэбиһэр буолбуттара. Ити кэннитэн буор хаһар массыынаны оҥорбута, алта көлүөһэлээх агрегат көлө көмөтүнэн хамсыыра, хаһыллыбыт буора транспортер устун тахсара. Элбэҕи айбыт, оҥорбут рационализатор ууһу 1953с. «Бочуот знага» орденынан наҕараадалаабыттара.
