Красноармеец –миномет наводчига. 300 стрелковой дивизия, 1051 стрелковай полк батальонун саллаата Кыһыл Знамя ордеҥҥа түһэриллэр. Омуга-саха, ССКП чилиэнигэр кандидат, Аҕа дойду улуу сэриитин кыттыылааҕа.
1942 с. 10/VI кыргыһыыга баас ылбыта.
Кыһыл Армия кэккэтигэр 1941 сыллаахха Чурапчы райвоенкоматынан ыҥырыллыбыта, урут наҕараадата суох. Саха АССР Мэҥэ-Хаҥалас оройуона.
Туох хорсун быһыыны оҥорбута эбэтэр туох үтүөлээҕэ, кылгас ис хоһооно:
1942 сыл ыам ыйын 5 күнэ. Пятницкое диэн сэлиэнньэ иһин кыргыһыыга наводчик Яковлев өстөөх 20-чэ киһилээх бөлөҕө иһэрин көрөөт, доҕотторуттан урутаан инники киирэн, тирээн туран, минометунан ытыалаан өстөөх 20 саллаатын самнарда. Баас ылан баран, тохтообокко кыргыста.
1942 сыл ыам ыйын 21 күнүгэр Бол.Бабка диэн дэриэбинэ иһин кыргыһыыга наводчик Яковлев кимэн киирэн иһэр өстөөх бөлөҕүн ытыалаан үрүө-тараа ыытта, илии бүлүмүөтүн расчетын үлтү кумалаата уонна уонча фашиһы өлөрдө. Бу хапсыһыыга наводчик Яковлев баас ылбытын аахсыбакка охсуста. 1942 сыл бэс ыйын 10 күнүгэр Мартовая диэн сэлиэнньэ иһин сэриилэһиигэ наводчик Яковлев кимэн киирэн иһэр өстөөх халҕаһатын тирээн туран ытыалаан урусхаллаата, өстөөх 70 киһитин өлөрдө. Бу кыргыһыыга Яковлев баас ылан баран тиһэх күүһэ баарынан өстөөҕү утары дайбаста.
