Үлэ Кыhыл Знамята орден кавалера, V ынырыылаах ССРС, VI Cаха АССР Верховнай Советтарын депутата. Биһиги улууспут үлэһит дьоннорун өйдөрүгэр-санааларыгар өлбөт-сүппэт өйдөбүлү хаалларбыт үгүс дьоннортон биирдэстэринэн Михаил Дмитриевич Петров буолар. Кини 1910 сыллаахха Хара нэһилиэгэр төрөөбүтэ. Бэрт эдэр сааһыттан араас үлэҕэ эриллэн үөскээбитэ. Бастаан колхоз суотчутунан, онтон эргиэн тиһигэр уһуннук үлэлээбитэ, ол иһигэр РСФСР Эргиэҥҥэ наркомун Халыма-Индигирдээҕи хонтуоратын солбуйааччы директорыгар, Саха АССР Министрдэрин Сэбиэтин консультаныгар тиийэ үүммүтэ. 1950-1951 сс. Уобаластааҕы икки сыллаах партийнай оскуоланы бүтэрбитэ. Биһиги эрэ оройуоҥҥа буолбакка, республикаҕа биир бастакынан 1951 сыллаахха бэс ыйын 6 күнүгэр 2-с Хаптаҕай Тельман, 2-с Тыыллыма Молотов, Хара Сталин ааттарынан уонна “Чүүйэ”, “Кыһыл трактор” колхозтар холбоһон 518 хаһаайыстыбалаах Сталин аатынан, оччотооҕуга этэллэринэн, “миллионер” колхоһу тэрийбиттэрэ. : Үлэ Кыһыл Знамята орденынан, хас да мэтээллэринэн наҕараадаламмыта, ССРС уонна Саха АССР Верховнай Сэбиэттэригэр депутатынан талыллан үлэлээбитэ.
