1921с. Мэҥэ Хаҥалас Догдоҥо нэһилиэгэр төрөөбүтэ. «Туустаах» ферматыттан үүтү ыаһыҥҥа үрдүк көрдөрүүнү ситиспитэ. Төһө даҕаны атыттарга холоотоххо, электричество күүһүнэн үлэлээбиттэрин иһин, ыанньыксыт бэйэтин кыайыыта-хотуута, сатабыла улаханнык көрдөнөрө.
Матрена Егоровна 1960 сыллаахха хас биирди ынаҕыттан 3012 кг үүтү ыан оройуон үрдүнэн аан бастакы үс тыһыынчалаах буолбута.. Ол курдук 1961 сыллаахха 8 ый устата балаҕан ыйын 1 күнүнээҕи түмүгүнэн биирдии ынаҕыттан 2348 кг үүтү ыыры ситиспитэ.
ССКП райкомун чилиэнэ, оройуоннааҕы Сэбиэт депутатынан талыллыбыта.
Матрена Егоровна айылҕаттан бэриллибит ырыаһыт, олоҥхоһут талааннааҕа. Матрена Егоровна колхоз производствотыгар оруобуна 50 сыл үлэлээбитэ.
Матрена Егоровна уһун сылларга таһаарыылаах үлэтэ үрдүктүк сыаналаммыта. 1966 сыллаахха сэттэ сыллаах былаан туолуутунан сибээстээн Үлэ кыһыл Знамята орденынан наҕараадаламмыта.
