https://rutube.ru/video/private/215b5effd5729a22370571056500e2da/?p=XsScZR6Dp-sNXMC_Vwt1jA
Сэтинньи ый 4 күнэ — Арассыыйа үрдүнэн норуоттар сомоҕолоһууларын күнэ бэлиэтэнэр. Саха Сирэ судаарыстыбаны бөҕөргөтөргө уонна Россия уопсастыбатын сомоҕолуурга дьоһун кылааты киллэрэр. Онон сирдэтэн Сэтинньи ый 4 күнүгэр «Айыллаан» култуура киинигэр киэһэ 19:00 чаастан, биһиги нэһилиэкпит иһинэн үлэлии-хамсыы, айа-тута олорор тэрилтэлэрбит, ытыктанар аҕам саастаах, кэлэр кэнчээри оҕолорбут, кэскиллээх ыччаттарбыт кыттыылаах «Бары бииргэ! Биир сомоҕо!» диэн эҕэрдэ кэнсиэр, биир тыынынан үрдүк таһымҥа ыытыллан ааста. Кэнсиэр түмүгэр, ол ааспыт кэми ахтан-санаан ыла таарыйа Улуу Өктөөп 107 сылын бэлиэтии факеллаах хаамыы ыытылынна! Күргүөмүнэн култуура дьиэтин инниттэн, кыайыы тулаһытыгар диэри хаамтыбыт!
Бу хаамыыга кыттыбыт дьоммутугар махталбытын биллэрэбит! Ону тэҥэ махтал тыл этиллэр, сомоҕолоһуубут кэнсиэригэр кыттыыны ылбыт тэрилтэлэрбитигэр: «Хара нэһилиэгэ» ТСТ дьаһалтатын дьиэтигэр, баһылык Назарова Дария Ивановна, И. Г Игнатьев аатынан ХСОО коллектива, дириэктэр Оконешников Алексей Алексеевич, «Кэрэчээн» оҕо уһуйаанын коллектива, сэбиэдиссэй Киренская Анна Иннокентьевна уонна биһиги солбуллубат бастыҥ үҥкүү коллективтарбытыгар, ансаамбылларбытыгар, сүрүнэ аҕам саастаах дьоммутугар махтал тыл бастыҥын аныыбыт!
Инникитин даҕаны бу курдук бары бииргэ биир сомоҕо буоламмыт тутуспутунан, нэһилиэкпит сайдыытын туһугар үлэлиэххэйин-хамсыаххайын диэн ыҥырабыт!
