Сэтинньи 12 күнүгэр «Айыллаан» култуура киинигэр Элиэнэ Егоровна — Куорсуннаах салайааччылаах «Өбүгэ ситимэ» норуот эмчиттэрин ассоциацията Ийэ күнүн чэрчитинэн тэрээһини үрдүк таһымҥа ыытта. Араас хайысхаҕа маастар кылаастар ыытылыннылар. Ол курдук: харысхал иҥнэлик, гипсэттэн оҥоһуктар, ситии хатыыта, «Өбүгэ күүһэ» арт терапия, «Өрөгөй ыллыга» трансформационнай оонньуу, ону таһынан макияж, укладка оҥосторго сүбэлэр. Ийэ уонна оҕо икки ардыгар сыһыаннарыгар лекция ыытылынна. Кэлбит ыалдьыттары үүттээх, эмтээх чэйинэн, арыылаах алаадьынан көрүстүлэр. Элиэнэ Егоровна — Куорсуннаах удаҕан баҕалаахтары ыраастаан, арчылаан инникилэрин билгэлээтэ. Киирбит үп Хара нэһилиэгин «Айыллаан» култуура киинигэр балаҕан тутуутугар туттарылынна.Нэһилиэкпит кэрэ аҥардара кэлэн кыттыыны ыллылар, бириэмэлэрин туһалаахтык атаардылар.
