Харабыт нэһилиэгэр сэтинньи ый 19-21 күннэригэр үс күн устата «Төрөппүт дьоло — оҕотугар» диэн марафон бэрт сэргэхтик уонна уратытык ааста! Бу хамсааһыны «Хара нэһилиэгэ» тыа сирин түөлбэтин олохтоох дьаһалта, Мэҥэ Хаҥалас улууһун полициятын отдела уонна И.Г.Игнатьев аатынан Харатааҕы спортивнай орто оскуола көҕүлээһиннэринэн чөл олоҕу кэнчээри ыччакка тарҕатар сыаллаах ыытылынна. Марафон маҥнайгы күнүгэр, алын кылаас оҕолоругар «Ийэм, Аҕам, Мин — спортивнай дьиэ кэргэн» диэн күрэх ыытылынна. Буоларын курдук тэрээһин үөрүүлээх аһыллыытыттан саҕаланна. Баһылык Дария Ивановна Назарова, Майатааҕы Полиция отделын начальнига, полиция майора Попов Владимир Николаевич уонна Иннокентий Гаврилович. Игнатьев аатынан Харатааҕы спортивнай орто оскуола дириэктэрэ Оконешников Алексей Алексеевич тыл эттилэр. Уопсайа аҕыс дьиэ кэргэн күөн көрүстүлэр.
Иккис күҥҥэ орто сүһүөх үөрэнээччилэригэр «Өбүгэ оонньуулара» алта түһүмэхтээх төрүт былыргы оонньууларга күрэхтэһии буолла. Үс хамаанда утары көрүстүлэр. Хамаанда састаабыгар кылаастан Икки Аҕа, икки Ийэ, икки кыыс, икки уол, уопсайа аҕыс буолан кытыннылар. Бу күн куораттан ыҥырыылаах ыалдьыт, лектор, уопсастыбыннай доруобуйа харыстабылын магистра, уопсастыбыннай киин дирэктэрэ Шудря Елена Ивановна «Я сам в ответе за свой род, за жизнь, потомство, за народ» ЭР КИҺИ ДЬИЭ-КЭРГЭНИН, ОҔОЛОРУН иннигэр ураты суолтатын кэпсиир, санаа атастаһар көрсүһүүнү олус интэриэһинэйдик ыытта.
Үһүс күнүгэр улахан сүһүөх оҕолорун, төрөппүттэр, учууталлар хамаанда туруораннар Волейбол көрүҥэр тыҥааһыннаах күрэхтэһии ааста.
Үс күннээх ыытыллыбыт Марафоҥҥа нэһилиэкпит олохтоохторо, кэлэр кэнчээри ыччаттарбыт көхтөөх кыттыыны ыллылар. Куруутун даҕаны бу курдук ыытыллар тэрээһиннэргэ актыыбынайдык кыттаргытыгар ыҥырабыт!
АЙЫЛЛААН ААРТЫКТАРА
