Хараҕа чемпионнар бааллара.
Хара нэһилиэгэр «Айыллаан» култуура киинигэр тохсунньу 16 күнүгэр успуортка үрдүк ситиһиилэри ылбыт спортсменнарбытын чиэстиир «Чемпионнар бааллара» үрдүк тэрээһиннээхтик буолан ааста. 2025 сылга Хара нэһилиэгэ Мэнэ Ханалас улууһун нэһилиэктэр икки ардыларынааҕы комплекснай спартакиадатыгар иккис миэстэни ылбыта буолар. Бу ситиһиини ыларга «Хара нэһилиэгэ» тыа сирин түөлбэтэ, баһылык Назарова Д.И. спортинструктор, “Айыллаан” култуура киинин директора Плотников В.В., салайыытынан бары нэһилиэк олохтоохтор бииргэ түмсэн, сыралаһан туран үлэлээбиттэрин түмүгэ буолар.
Хара нэһилиэгин 2025 сыл Бастыҥ спортсмена анал ааты ыллылар:
Терентьев Егор Егорович – хотугулуу многоборьеҕа Россия успуордун маастара, Бүтүн Арассыыйатааҕы хотугулуу многоборье чемпионатыгар 3 миэстэ, Саха Өрөспүүбүлүкэтин хотугулуу многоборье чемпионатыгар үс төгүл үс ыстаныыга, сүгэни быраҕыыга муҥутуур кыайыылааҕа, наартаны ойууга 2 миэстэ, многоборье уопсай суумматынан 1 миэстэ, XXII төгүлүн ыытыллыбыт “Манчаары оонньуулара” национальнай успуорт көрүҥнэрин Спартакиадатыгар үс төгүл үс ыстаныыга 2 миэстэ, паалкалаах сүүрүүгэ 2 миэстэ, сүгэни быраҕыыга 1 миэстэ, уопсай суумматын түмүгүнэн 1 миэстэ, Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар волейболга хамаанданан 1 миэстэ, чэпчэки атлетикаҕа 200 м сүүрүүгэ, 2 миэстэ, эстафетаҕа 2 миэстэ, гиирэҕэ 3 миэстэ, хаһыйарга 4 миэстэ ылбытын иһин.
Бурцева Яна Прокопьевна – Саха Өрөспүүбүлүкэтин мас тардыһыытын чемпионатыгар 85 киилэттэн үөһэ ыйааһын муҥутуур кыайыылааҕа, Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар гиирэни анньыыга, чэпчэки атлетика эстафетатыгар, ядрону быраҕыыга 1 миэстэ, стритболга 3 миэстэни ылбытын иһин.
Романова Мария Васильевна –Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар гиирэни анньыыга 1 миэстэ, чэпчэки атлетикаҕа уһуну ыстаныыга 1 миэстэ, эстафетаҕа 1 миэстэ, 100 м сүүрүүгэ 3 миэстэ, мас тардыһыытыгар 3 миэстэни ылбытын иһин.
Брызгалов Дмитрий Николаевич –Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар стритболга хамаанданан 3 миэстэни, эр дьон волейболугар 1 миэстэни, хабылыкка, хаамыскаҕа 1 миэстэни, байанай күрэҕэр 3 миэстэни ылбытын иһин.
Иванов Дьулустан Степанович –Мэҥэ Хаҥалас улууһун кэлим спартакиадатыгар хапсаҕайга 3 миэстэ, байанай күрэҕэр хамаанданан 3 миэстэни ылбытын иһин.
Коколов Степан Николаевич –Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар чэпчэки атлетикаҕа 800 м сүүрүүгэ 1 миэстэ, эстафетаҕа 2 миэстэ, хамаанданан 2 миэстэни ылбытын иһин.
Сидоров Гаврил Александрович –буулдьанан ытыыга Саха Өрөспүүбүлүкэтин маастара, XXII төгүлүн ыытыллыбыт “Манчаары оонньуулара” национальнай успуорт көрүҥнэрин Спартакиадатыгар эр дьоҥҥо Белка- ПС көрүҥэр 2 миэстэ, Белка-ВПп микст көрүҥэр 3 миэстэ, Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар буулдьанан ытыыга 1 миэстэ, Байанай күрэҕэр 3 миэстэни ылбытын иһин.
Филиппов Василий Васильевич –Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар чэпчэки атлетикаҕа 1500 м сүүрүүгэ 1 миэстэ, 5 км сүүрүүгэ 2 миэстэ, эстафетаҕа 2 миэстэ, хамаанданан 2 миэстэни ылбытын иһин.
Макаров Иван Исаевич –Мэҥэ Хаҥалас улууһун кэлим спартакиадатыгар 1 бөлөх нэһилиэктэрин икки ардыларыгар мас тардыһыытыгар 1 миэстэ, гиирэни анньыыга 1 миэстэ, хамаанданан 1 миэстэни ылбытын иһин.
2025 сыл түмүгүнэн нэһилиэкпит успуордун салаатын сайыннарар, киэҥ эйгэҕэ тарҕатар, чулууттан –чулуулары иитэн таһаарааччыларбытын, бастыҥ тренердэр анал аат:
Шестаков Василий Юрьевич –СахаӨрөспүүбүлүкэтин физическай култууратын уонна успуордун туйгуна, Саха Өрөспүүбүлүкэтин үтүөлээх тренерэ, Мэҥэ Хаҥалас улууһун оҕо успуорт оскуолатын буоксаҕа тренера, иитиллээччилэрин үрдүк ситиһиилэринэн: Лукин Петя Бүтүн Арассыыйатааҕы күрэх кыайыылааҕа, Эверстов Ренат Саха Өрөспүүбүлүкэтин, Уһук Илиҥҥи федеральнай уокурук чөмпүйүөнэ, Бүтүн Арассыыйатааҕы турнир Хабаровскай куорат мэрин кубогын кыайыылааҕа, Кожокару Гриша Саха Өрөспүүбүлүкэтин оҕолорго чөмпүйүөнэ, Уһук Илиҥҥи федеральнай уокурук боруонса призёра, Сметанин Арылхан, Сергучев Саша Саха Өрөспүүбүлүкэтин чөмпүйүөннэрэ.
Сидоров Александр Гаврильевич — Хара нэһилиэгин буулдьанан ытыыга сүүмэрдэммит хамаандатын тренерэ, Мэҥэ Хаҥалас улууһун оҕо успуорт оскуолатын буулдьанан ытыыга тренерэ, иитиллээччилэрэ Кириллин Эрчим 10 кылаас үөрэнээччитэ, Карпова Нарыйаана 10 кылаас үөрэнээччитэ 2025 сылга буулдьанан ытыыга Саха Өрөспүүбүлүкэтин успуордун маастарын нуорматын толорбуттарын, XXII төгүлүн ыытыллыбыт «Манчаары оонньуулара» национальнай успуорт көрүҥнэрин Спартакиадатыгар үрдүк ситиһиилээхтик кыттыбыттарын иһин.
Федорова Сардана Иннокентьевнаҕа — Хара нэһилиэгин гиирэни анньыыга сүүмэрдэммит хамаандатын тренерэ, Мэҥэ Хаҥалас улууһун кэлим спартакиадатыгар гиирэни анньыы хамаандата I бөлөх нэһилиэктэрин икки ардыларыгар кыайыыларын иһин.
Нэһилиэкпит успуорда сайдыытыгар тус кылааттарын киллэрсибит дьоммутугар анал аат туттарылынна:
“Успуорт бэтэрээнэ” Аргунов Савва Петрович —дуобакка Россия успуордун маастара, Саха Өрөспүүбүлүкэтин элбэх ахсааннаах нэһилиэктэрин икки ардыларынааҕы турнирга Хара нэһилиэгин хамаандата I миэстэни ылбытын иһин, Саха Өрөспүүбүлүкэтин дуобакка турнирдарын бэтэрээн эр дьоҥҥо кыайыылааҕа, Мэҥэ Хаҥалас улууһун кэлим спартакиадатыгар дуобакка хамаанданан кыайыылааҕа.
“Успуорду көҕүлээччи” Плотников Василий Валерьевич — «Айыллаан» култуура киинин дириэктэрэ, Мэҥэ Хаҥалас улууһун кэлим спартакиадатыгар I бөлөх нэһилиэктэр икки ардыларыгар Хара нэһилиэгин хамаандата II миэстэни ылбытыгар.
“Успуорду сырдатааччы” Терентьев Серафим Александрович 2025 сыл устата Саха Өрөспүүбүлүкэтин 18 төгүл көҥүл тустууну, хапсаҕайы, мас тардыһыытын, хабылык, хаамыска көрүҥнэрин, национальнай многоборьены, ХААР АЙАН, МЭҤЭ-ТРОФИ массыынанан күрэхтэри, буулдьанан ытыыны, национальнай успуорт оонньууларын, аҕыста ат сүүрдүүтүн күрэхтэрин Саха иһитиннэрэр-көрдөрөр ханаалыгар, “Тэтим” араадьыйа нөҥүө киэҥ эйгэҕэ сырдатыытын иһин.
“Бастыҥ спортивнай дьиэ кэргэн” — Мария, Ирина Михайловна, Василий Валерьевич Плотниковтар дьиэ кэргэттэрэ, Мэҥэ Хаҥалас улууһун кэлим спартакиадатыгар I бөлөх нэһилиэктэр икки ардыларыгар дьиэ кэргэнинэн үрдүк ситиһиилээхтик кыттыбыттарын иһин.
“Уһулуччу спортсмен” –Терентьев Егор Егорович Мэҥэ Хаҥалас улууһун кэлим спартакиадатыгар I бөлөх нэһилиэктэр икки ардыларыгар успуорт түөрт көрүҥнэригэр: гиирэнэн анньыыга, чэпчэки атлетикаҕа, волейболга, хайыһарга Хара нэһилиэгин чиэһин үрдүк ситиһиилээхтик көмүскээбитин иһин.
Ыҥырыылаах ыалдьыттарынан буоллуларЕгоров Василий Михайлович – буоксаҕа Россия үтүөлээх маастара, Рио-де-Жанейро куоракка ыытыллыбыт XXXI Олимпийскай оонньуулар кыттыылааҕа, Европа икки төгүллээх чөмпүйүөнэ, Аан дойду үрүҥ көмүс призера, Россия биэс төгүллээх чөмпүйүөнэ, Хара нэһилиэгин Бочуоттаах олохтооҕо, «ВЫЗОВ СЕВЕРА» профессиональнай буокса түһүлгэтин кыайыылааҕа уонна тэрийээччитэ, Хара нэһилиэгэр успуорт инструктарынан үлэлээбит Куприянова Екатерина Егоровна Саха Өрөспүүбүлүкэтин физическай култууратын уонна успуордун туйгуна.
Харабыт нэһилиэгин албан аатын ааттатар, киэн тута ааттыыр бастыҥ ыччаттарбыт, спортсменнарбыт олоххо дьулуурунан, үлэҕэ дьоҕурунан үтүө холобур буолан үрдүккэ, кыайыыга, чыпчаалга дабайын!
Сахаяна Терентьева, Хара нэһилиэгин бибилэтиэкэрэ.
Тохсунньу 16 күнэ, 2026 с.
