Олунньу 13 күнүгэр Төрөөбүт тыл уонна сурук-бичик күнүгэр аналлаах 12-с төгүлүн ыытыллар «Сахалыы дьыктаан -2026» суруйуута Хара нэһилиэгин үтүө түөлбэтин «Айыллаан» култуура киинигэр бибилэтиэкэ ааҕааччыларыгар анаан ыытылынна. Уопсайа 15 кыттааччы көхтөөх кыттыыны ылан, бэйэлэрин билиилэрин тургуттулар. «Сахалыы дьыктаан» 2014 сылтан ыытыллар. Аахсыйаны тэрийээччилэр М.К. Аммосов аатынан ХИФУ Арассыыйа Бэдэрээссийэтин Хотугулуу-Илиҥҥи норуоттар тылларын уонна култуураларын үнүстүүтэ, СӨ Национальнай бибилэтиэкэтэ көҕүлээн, тэрийэн үгэскэ кубулутан сыл аайы тэрээһиннээхтик ыытабыт. Быйыл дьыктаан тиэкиһигэр Саха Өрөспүүбүлүкэтин норуодунай суруйааччыта Д.К.Сивцев- Суорун Омоллоон «Чүөчээски» айымньытыттан быһа тардыы ылылынна. Сахалыы дьыктааны И.Г. Игнатьев аатынан Хара орто оскуолатын ветеран учуутала, саха тылыгар уонна литературатыгар учууталынан үлэлээбит Елена Карловна Троева суруйтарда. Эҕэрдэ тылын эттэ «Хара нэһилиэгин» ТСТ баһылыгын солбуйааччыта Серафим Александрович Терентьев. Оскуола оҕолоругар СӨ Национальнай библиотекатын «Оҕо ааҕыытын киинэ» «Таптыыр Сахам тылынан. …» диэн дьыктааны И.Г.Игнатьев аатынан Хара орто оскуолатын 2-3 кл, 4-5 кл, 6-8 кл үөрэнээччилэрэ дьыктаан суруйдулар. Хас биирдии кыттааччыга СӨ Национальнай бибилэтиэкэтин дириэктэрэ С.В.Максимова, И.А.Дранаева илии баттааһыннаах Туоһу суруктар туттарылыннылар. Төрөөбүт төрүт тыл уонна сурук -бичик күнүн чэрчитинэн оскуолабыт успуорт саалыгар күн оһуохайа буолла. Оһуохайы таһаарда СӨ култууратын туйгуна Виталий Очиров — Алгыс Ачыырап.. https://rutube.ru/video/18ff80fa76dce345eb54cc1f14e809db/
