Афанасий Петров төрөөбүтэ 75 сылыгар аналлаах буоксаҕа 4 күннээх аһаҕас өрөспүүбүлүкэтээҕи турнир тэрилиннэ
Муус устар 2-5 күннэригэр И.Г.Игнатьев аатынан Харатааҕы успуорт оскуолатыгар ССРС успуордун маастарыгар хандьыдаат, «Урожай» уопсастыба 10 төгүллээх чөмпүйүөнэ, Саха сиригэр ыытыллыбыт буоксаҕа бастакы идэтийбит киирсии кыайыылааҕа Афанасий Федорович Петров төрөөбүтэ 75 сылыгар уонна буокса сайдыытын 70 сылыгар аналлаах аһаҕас өрөспүүбүлүкэтээҕи турнир түһүлгэтэ тэрилиннэ. Тэрээһин бастакы күнүгэр Майа сэлиэнньэтигэр Р.Г.Васильев аатынан улуустааҕы кыраайы үөрэтэр түмэлгэ Афанасий Петровка уонна кини үөрэнээччитигэр, Арассыыйа успуордун үтүөлээх маастарыгар, Аан дойду чөмпүйэнээтин иккис призеругар, Европа икки төгүллээх чөмпүйүөнүгэр, Арассыыйа биэс төгүллээх чөмпүйүөнүгэр Василий Егоровка аналлаах «Мэҥэ Хаҥалас буоксатын киэн туттуута» быыстапка турда. Улуус аатын отучча сыл устата килбиэннээхтик көмүскээбит тириэньэр, учуутал уонна Саха сирин, ону ааһан модун Арассыыйа аатын Аан дойду таһымыгар дорҕоонноохтук ааттаппыт иитиллээччи, үөрэнээччи ситиһиилэрин кэрэһэлиир быыстапка арыллыытыгар кэлбит ытык-мааны ыалдьыттары, биир дойдулаахтарбытын улуустааҕы успуорт уонна физическэй култуура управлениетын салайааччытын солбуйааччы Иннокентий Баишев, оҕо-ыччат успуордун оскуолатын дириэктэрэ Петр Илларионов, буокса бэтэрээнэ Эдуард Местников уонна Василий Егоров эҕэрдэлээтилэр. Үөрүүлээх түгэҥҥэ аалай лиэнтэни Иннокентий Баишев, быыстапка дьоруойа Василий Егоров уонна Афанасий Петров олоҕун аргыһа Раиса Петрова кырыйдылар.
Дария Назарова, Хара нэһилиэгин баһылыга: – Быйыл Афанасий Федорович Петров төрөөбүтэ 75 сылын чэрчитинэн бастакы тириэньэригэр турнир оҥорор санаалаах Василий Егоров кэлэ сылдьыбыта. Толкуйдаан бараммыт биһиги тэрээһини дьон-сэргэ үөрэрин, астынарын курдук үрдүк таһымнаахтык ыытыахха, оҕо-ыччат, эдэр боксердар мантан үктэнэннэр өссө улахан күрэхтэһиилэргэ дабайан истиннэр диэн баҕаран тураммыт оҥордубут.
Мин бэйэм элбэхтэ биһиги Харабыт ыччата Василий Егоровтыын Арассыыйа, Европа, Аан дойду таһымнаах күрэхтэһиилэргэ сылдьыспытым. Онно улахан турнирдары хайдах тэрийэн ыыталларын көрөрүм. Биһиги күрэхтэһиибит эмиэ үрдүк таһымнаахтык аастын диэн Василий Михайловичтыын сүбэлэспиппит. Маныаха нэһилиэкпит дьоно бары, ыччаттара, тэрилтэлэрэ турунаннар күүстээх, таһымнаах күрэхтэһиини тэрийдибит. Бу биһиги биир санаалаахпытын https://rutube.ru/video/f7ee0cb10e6d29e73fc38f2db3130fde/
12:26
