Муус Устар 18 күнүгэр, Хара нэһилиэгин Куоӈ Харах Ипподромугар эр дьоӈӈо аналлаах аһаҕас «Баай Барыылаах Тойон Эһэм» диэн күрэхтэһии ыытылынна!
Күрэхпит эр дьону чөл олох тула түмүү, Үүнэр көлүөнэ ыччакка өбүгэ үгэһин тарҕатыы, Чөл, чэгиэн олоҕу тутуһуу сыаллаах-соруктаах буолла.
Күрэхтэһии саҕаланыытыгар булт көӈүлүн иннинэ эр дьоӈӈо аал уоту оттон Алгыс ыытылынна, алгыһы Илгэлээх Испирдиэн ыытта. Алгыс кэннэ Хара нэһилиэгэ тыа сирин түөлбэтин баһылыгын солбуйааччыта Серафим Александрович Терентьев эҕэрдэ тылын, күрэхтэһээччилэргэ ситиһиини баҕаран туран эттэ. Эҕэрдэ ырыатын Николай Васильев Айтамыл бэлэх уунна. Эбиэккэ итии кус, эт миининэн ону тэӈэ итии чэйи кытта арыылаах алаадьынан күрэхтэһээччилэрбитин, көрө кэлбит ыалдьыттарбытын күндүлээтибит.
Уопсайа 3түү киһилээх, 6 хамаанда кыттыыны ылла: ЦРБ, Баһаарынай, Байанай, Бэргэн, Куйуурдьуттар, Куоӈ Харах хамаандалар 6 түһүмэххэ күрэс былдьастылар.
Түһүмэхтэр:
- Тоӈуу хаарынан сүүрэн, сыал бырахтылар.
- Быһый Атах.
- Хомуур мас тардыһыы
- Ыйытыктарга хоруй (бултка сыһыаннаах ыйытыктары, билиэтинэн бэриллэн эппиэттээтилэр)
- Кутааҕа чэй өрүү.
Бу курдук түһүмэхтэрдээх күрэхпит түмүгэ маннык буолла:
Үһүс төгүлүн 1 миэстэ: «Куйуурдьуттар» хамаанда — Петр Пестряков, Степан Коколов, Еремей Жирков. 2 Миэстэ: «Байанай» хамаанда — Николай Иванов, Игнат Сергеев, Мирослав Иванов.
3 Миэстэ: «Баһаарынайдар» хамаанда — Иван Макаров, Петр Барашков, Иван Осипов.
Олус үчүгэй күн буолан көрөөччүлэр тоҕуоруһа муһуннулар. Тыӈааһыннаах киирсиилэри көрөн, үөрэн — көтөн тарҕастылар.
Инникитин даҕаны түөлбэбит дьоно — сэргэтэ биир сомоҕо буолан куруутун түмсүүлээх буолуоххайын.
Айыллаан Аартыктара.
