81 сыл ааста уруй-айхал өрөгөйө дуораһыйбыт сааскы сандал күнүттэн. Бүгүҥҥү олохпут үрдүк кэрдиистэрэ-чэлгийэ үүммүт куораттара, сэрии муҥун билбэтэх кэнчээри ыччат — бу барыта Улуу Кыайыы тыына, Улуу Кыайыы сарыала.
Кыайыы! Кыайыы өрөгөйө! 81 сыл анараа өттүгэр ыам ыйын 9 күнүгэр радионан Улуу Кыайыы кытыастар кыһыл былааҕа өрө көтөҕүллүбүтүн туһунан биллэрбиттэрэ. Ити күн кыайыы өрөгөйүн Майаҕа көрсүбүттэрэ. Хара нэһилиэгэр Аҕа дойду сэриитигэр сырдык тыыннарын толук уурбут буойуннар кириэстэригэр анаан оҥоһуллубут пааматынньык быйыл 81 сыла. Бу пааматынньыгы “Сталин” аатынан холкуос бастыҥ болуотунньуктара Попов Николай Лазаревич (Хохоо), Иванов Николай Яковлевич (Нотооху), Петров Дмитрий Егорович (Мэччэ), Петров Семен Александрович (Отчут) бэйэлэрэ ис сүрэхтэн баҕаран бары сатабылларын ууран туран ыам ыйыттан саҕалаан баран бэс ыйын 22 күнүгэр Кыайыы ыһыаҕар туттарбыттара. Бу өйдөбүнньүк улууска эрэ буолбакка бүтүн өрөспүүбүлүкэ үрдүнэн биир бастакынан тутуллубут пааматынньык буолар.
https://rutube.ru/video/45ea55ee7358f4d794d730ccc7f2a721/
Күнүс 14 чаастан Үрдьүҥэхтээх алааһыгар «Кыайыы Кубога» сүүрүү күрэҕэ түөлбэлэр икки ардыларыгар буолан ааста 1 миэстэни Үрдьүҥэхтээх түөлбэтэ ылла (салайааччы Антонова-Жиркова Феврония Васильевна), 2 миэстэни Дьулуур түөлбэ ылары ситистэ салайааччы (Степанова Татьяна Юрьевна)
https://rutube.ru/video/private/bdb950fcc8c06253f94041293ff20ca8/?p=mR_YJP3isc2syWFzVRE7ig
