Ыам ыйын 19 күнүгэр, Айыллаан култуура киинигэр Арассыыйаҕа норуоттар сомоҕоһууларын, Саха Өрөспүүбүлүкэтигэр Култуура сылларын чэрчитинэн Хара нэһилиэгин бочуоттаах олохтооҕо үлэ бэтэрээнэ КИР НАДЕЖДА ХЕН “Иис уус абылаҥа” айар үлэтин көрдөрөр быыстапка үөрүүлээх быһыыга-майгыга арылынна.
Быыстапканы иилээн-саҕалаан ыытта Айыллаан култуура киинин режиссера Николай Васильев ыытта
Бу дьоро киэһэ Надежда Хены эҕэрдэлээри, кини дириҥ суолталаах айымньыларын көрөөрү дьон-сэргэ тоҕуоруһа муһунна: “Хара нэһилиэгэ” тыа сирин түөлбэтин баһылыга Назарова Дария Ивановна, “Айыллаан” култуура киинин дириэктэрин эбээһинэһин толорооччута Степанова Татьяна Юрьевна, “Кэрэчээн” оҕо уһуйаанын профсоюһун бэрэссэдээтэлэ Сидорова Февронья Ивановна. Аҕам саастаахтар түмсүүлэрин бэрэссэдээтэлэ Пестрякова Сардаана Гаврильевна “Сайаана” аҕам саастаахтар фольклорнай ансаамбыл аатыттан салайааччы Романова Мария Васильевна, дьүөгэтэБурнашева Валентина Константиновна, аймах-билэ дьонноро уо.д.а. үтүө-мааны эҕэрдэ тыллары тиэртилэр.
Бу үөрүүлээх түгэн, эҕэрдэлэр кэннилэриттэн быыстапка кыһыл лиэнтэтин «Хара нэһилиэгэ» ТСТ баһылыга Дария Ивановна, Надежда Хен бэйэтэ быстылар
Надежда Хен айар үлэтигэр саамай тутуһар суола – дьону үтүктүбэккэ, бэйэтин көрүүтүнэн, хайдах салаллан-айыллан тахсарынан иистэнэр.
Быыстапкаҕа илиинэн тигиллибит ис-иһиттэн киһини абылыыр оҥоһуктар өбүгэ саҕаттан үүнэн-сайдан кэлбит сахалыы үгэспитин, олохпут кэрэтин дьүһүн дьүөрэлэһиитинэн, оһуорунан-мандарынан ыраахха диэри кэпсиир курдуктар.
Надежда Хеҥҥа кытаанах доруобуйаны, уһун үйэлээх олоҕу, айар үлэтигэр үгүс ситиһиилэри, дьолу, тапталы баҕарабыт!
