Кулун тутар 24 күнүгэр, Айыллаан култуура киинигэр улуустааҕы доруобуйаларынан хааччахтаах кэрэ аҥаардар Далбар Хотун конкурстара буолан ааста. Барыта 11 далбар хотун түөрт түһүмэххэ күөн көрүстэ. 1 түһүмэх: Визитка – Бэйэни билиһиннэрии. 2 түһүмэх: Дьоҕуру, талааны көрүү 3 түһүмэх: Көрдөөх Старт – бэриллибит тылы сөпкө сааһылааһын. 4 түһүмэх: Киэһээҥҥи кэрэ көстүү. *Биһиги нэһилиэкпитин Иванова Надежда Николаевна бары түһүмэхтэргэ чиэстээхтик көмүскээтэ.* Кэлбит ыалдьыттары Светлана Софроновна Слепцова – улуустааҕы харысхаллаах буолуу управлениятын реаблитолога, Назарова Александра Андреевна – улуустааҕы истибэттэр обществоларын бэрэссэдээтэлэ, Николай Вячеславович Дьячковскай, нэһилиэк дьаһалтатын баһылыгын солбуйааччы эҕэрдэлээтилэр. Истиҥ иһирэх ырыаларын Василий Осипов, Мария Романова, Николай Васильев бэлэхтээтилэр. Күрэҕи дьүүллээтилэр: 1. Птицын Евгений Александрович – дьүүллүүр сүбэ бэрэссэдээтэлэ. 2. Семенов Иван Петрович – Мэҥэ Хаҥалас улууһун көрбөттөр уопсастыбаларын бэрэссэдээтэлэ. 3. Иванова Зинаида Васильевна М-Х улууһун истибэттэр уопсастыбаларын бэрэссэдээтэлэ. Ону тэҥэ доруобуйаларынан хааччахтаах дьон улуустааҕы быыстапкалара кулуупка турда. Быыстапканы: 1. Светлана Софроновна Слепцова – улуустааҕы харысхаллаах буолуу управлениятын реаблитолога. 2. Иванова Яна Дмитриевна – 3 оскуола волонтер учуутала, үлэ бэтэрээнэ, култуура уонна спорт эстэпиэтэтин хас да төгүллээх лауреата дьүүллээн түмүктэри таһаардылар.
