Икки күн устата Хара нэһилиэгэ төрүттэммитэ 385 сылыгар аналлаах ВОЛЕЙБОЛГА бүтүн өрөспүүбүлүкэтээҕи аһаҕас турнир бэрт тэрээһиннээхтик ааста. Барыта уон тэбис-тэҥ хамаанда эгил-тэгил түсүһэн, эрбии тииһин курдук эрийсэн бэртээхэй оонньуулары көрдүбүт. Күрэхтэһии тэрээһинигэр нэһилиэкпит депутаттара, бары тэрилтэлэрэ, урбаанньыттар, бааһынай хаһаайыстыбалар, общественнай тэриллиилэр күүс-көмө буоллулар. Уу харчынан бириис туруоран улахан өйөбүлү оҥордулар. Түмүк маннык буолла: 1 миэстэ — Таатта, улуус баһылыга туруорбут УБАҺА бирииһин уонна ХЭТ Арктика-Строй олохтообут ТУРНИР БАСТЫҤ ХАМААНДАТА анал бирииһин 50 000 солк үбү-харчыны сиэптэригэр угуннулар. 2 миэстэ — Чурапчы, Хара нэһилиэгэ тыа сирин түөлбэтин дьаһалтата туруорбут 30 000 солк БАЯРД маҕаһыыҥҥа сертификатынан наҕараадаланнылар. 2 миэстэ — СВФУ-1, Хара нэһилиэгэ тыа сирин түөлбэтин дьаһалтата туруорбут 20 000 солк БАЯРД маҕаһыыҥҥа сертификатынан наҕараадаланнылар. Ону тэҥэ 10 турнир бастыҥнара ааттаннылар. Нэһилиэкпит спортсменнара, депутаттара, бары тэрилтэлэрэ, урбаанньыттар, бааһынай хаһаайыстыбалар, общественнай тэриллиилэр күүс-көмө буолан спецбириистэргэ 5000тии солк уу-харчыны биэрдилэр. Ону тэнэ бырааттыы Василий, Николай, Михаил 10000солк анал бириистэрэ Хара хамаандатын бастыҥ оонньооччутугар Юрий Афанасьевка туттарылынна. Өрүү нэһилиэк иннэ диэн сүүрэр-көтөр бар дьоммутугар, күрэхтэһии тэрээһинигэр кыттыбыт бары тэрийээччилэрбитигэр ис сурэхпиттэн махтанабыт!
