Арассыыйаҕа Педагог уонна уһуйааччы, Мэҥэ Хаҥалас улууһугар Тыа хаһаайыстыбатын, Хара нэһилиэгэр Дойдуга бэриниилээх буолуу сылларыгар аналлаах Өрөспүүбүлүкэ үрдүнэн «Музыка хас биирдиибитигэр» бырайыак чэрчитинэн, музыкальнай инструменнарга оонньооһуну сөргүтүү, сайыннарыы баран эрэрэ киһини үөрдэр, сүргэтин көтөҕөр. Хара нэһилиэгэр «Айыллаан» култуура киинин үлэһиттэрэ, улууска биир бастакынан ааптар Татьяна Степанова бырайыагынан тэрийэн ыытар “Сааскы тэтим” тыыннаах музыканы пропагандалааһыҥҥа ыччаты, оҕолору кэрэ эйгэҕэ угуйан утумнаахтык дьарыктаналларын ситиһэр фестиваль көрүү тэриллэн үлэлии сылдьар.
Кулун тутар 30 күнүгэр Хараҕа 9-с төгүлүн ыытыллар аһаҕас Өрөспүүбүлүкэтээҕи «Сааскы тэтим» диэн тыыннаах доҕуһуолунан вокально-инструментальнай ансамбллары көрүү фестивала үрдүк тэрээһиннээхтик, тэтимнээхтик ыытылынна.
Фестивальга кытта оскуола саастаах оҕолор, улахан дьоннор уопсайа 19 бөлөх 94 кыттааччы Өрөспүүбүлүкэбит араас улуустарыттан ол курдук Усть-Яна, Орто Халыма, Дьокуускайтан, Сунтаартан, Чурапчыттан, Хаҥаластан, Горнайтан, Хатастан, Наахараттан, Табаҕаттан, Төхтүртэн, Майаттан, Хараттан кыттыыны ылла кэллилэр. Ырыа куттаах ыалдьыттары, Алгыс Ачыырап сахалыы сиэринэн –туомунан, алгыһынан көрүстэ.
Бу күн дьэ дьиҥ-чахчы алыптаах музыка дорҕоонугар уйдаран бииртэн биир кэллэктииптэр киһи кутун тутар ырыаларын дуоһуйа иһиттибит. Дьүүллүүр сүбэҕэ үлэлээтилэр: бэрэссэдээтэл- Саха Өрөспүүбүлүкэтин култууратын үтүөлээх үлэһитэ “Чороон” бөлөх салайааччыта, “Дапсы” бөлөх төрүттээччитэ, “Аарык” ансаамбыл салайааччыта Георгий Сергучев, Юрий Платонов аатынан эстрада судаарыстыбыннай тыйаатырын аранжировщика, музыкана Эллэй Васильев, “Сэргэ” бөлөх ударнига Петр Осипов, Мэҥэ Хаҥалас улууһун култуураҕа уонна духуобунай сайдыыга управлениятын методиһа Александр Кулешов сыаналаатылар.
«Кылаан бириис» Орто Халыматтан “Эрэл” бөлөх Владимир Киприянов салайааччылаах, «Мэҥэ Хаҥалас улууһа» муниципальнай оройуон анаабыт 50 тыһ. сертификатынан наҕараадаланан үөрүү өрөгөйүн биллилэр.
Улахан дьоҥҥо:
1 Үрдэл – Майаттан “Ай-Куо” бөлөх Анатолий Босиков салайааччы,
2 Үрдэл — Дьокуускайтан «Байдам» бөлөх Николай Стручков салайааччы,
3 Үрдэл — Сунтаартан «Уран Куо» бөлөх Владимир Константинов, Николай Андросов салайааччы
Оҕолорго:
1Үрдэл- Уус Янаттан «Тумат» бөлөх Николай Слепцов салайааччы
2 Үрдэл –Чурапчыттан «Сырдык күүс» бөлөх Айсен Борисов салайааччы
3 Үрдэл – Сунтаартан «Аа дьуо» Владимир Константинов салайааччы ыллылар.
Ону таһынан «Бастыҥ Бас-гитара»-Аделина Парилова (Орто Халыма), «Бастыҥ барабанщик»-Ангелина Муханова (Орто Халыма), «Бастыҥ вокал»-Алина Захарова (Майа), «Бастыҥ Соло-гитара»-Александр Томский (Уус Яна), «Бастыҥ инструмент»-Любомир Северьянов (Уус Яна), «Көрөөччү биһирэбилэ»-«Ырыаллаан» бөлөх (Наахара), «Бастыҥ салайааччы»- Владимир Киприянов (Орто Халыма), «Бэстибээл арыйыыта»- «Дайан» бөлөх (Хаҥалас, Дөппөн), «Ураты тэтимнээх бөлөх» «Айыллаан» бөлөх (Хара), «Сахалыы тыыннаах бөлөх»-«Эрэл» бөлөх (Орто Халыма), «Кэскиллээх бөлөх» «Эрэл» бөлөх (Хаҥалас, Нөмүгү), «Бэстибээл саамай эдэр кыттааччыта» «Кэнчээри» (Табаҕа) номинациялары ыллылар
Бу улахан тэрээһиҥҥэ спонсордаабыт «Мэҥэ Хаҥалас улууһа» муниципальнай оройуон аҕа баһылык Д.И.Тихонов. “Мэҥэ Хаҥалас улууһун култуураҕа уонна духуобунай сайдыыга салалтата салайааччы А.Р. Исакова, «Хара нэһилиэгэ» тыа сирин түөлбэтэ баһылык Д.И. Назарова, «Хара нэһилиэгэ» тыа сирин түөлбэтин депутаттарын сэбиэтэ, «Догдоҥо нэһилиэгэ» тыа сирин түөлбэтэ баһылык П.Д.Сивцев, Мэҥэ Хаҥалас улууһун социальнай бэлиитикэ управлениета салайааччы О.Н.Кулешова, Улуустааҕы муниципальнай баайга-дуолга уонна сиргэ сыһыаннаһыыларын комитета, салайааччы Д.И.Аргунов, Улуустааҕы муниципальнай баайга-дуолга уонна сиргэ сыһыаннаһыыларын агенствота, салайааччы А.Е.Лукин, оҥорон таһаарыы «Пластмастер» ХЭТ салайааччы С.М.Холмогоров, «Магистраль» ХЭТ салайааччы С.С.Потапов, И.Г.Игнатьев аатынан Харатааҕы спортивнай орто оскуолата директор А.А. Стручков, Харатааҕы «Кэрэчээн» оҕо уһуйаана сэбиэдиссэй Ю.П.Захаров, «Айыллаан» култуура киинэ директор В.В.Плотников, Д.Ф.Ходулов аатынан норуот айымньытын дьиэтэ салайааччы Е.П.Ефремова, В.П.Уваров аатынан олимпийскай резервэни бэлэмниир спортивнай оскуола директор Дь.И. Захаров, “Дархан ” рыынак салайааччы И.А.Васильев, Хара нэһилиэгин ветераннарын түмсүүтэ салайааччы В.К.Бурнашева, «Дуораан Рекордс» студия салайааччы Бүөккэ Бөтүрүөп, «Аартык студия» салайааччы Лэкиэс – Иннокентий Гаврильев, «Дорҕоон дойду» студия салайааччы Дьарааһын – Герасим Павлов, «DOBUN.BIZ» студия салайааччы Антон Иванов, Александр Кулешов, чааһынай урбаанньыттар: Архип Скрябин, Николай Старостин, Владимир Яковлевка тэрийээччилэр ааттарыттан барҕа махталбытын биллэрэбит.
Уруккуну санатар, саҥалыы тыыннаах вокально-инструментальнай ансамбллар бүтүн республика үрдүнэн тэриллэн үүнэн-сайдан иһиэхтэрэ диэн эрэнэбит, эһиилги үбүлүөйнэй 10 төгүлүн ыытыллар фестивальга Хараҕа көрсүөххэ диэри.
Хара нэһилиэгин библиотекаря Терентьева Сахаяна Семеновна
