Хара нэһилиэгэр 2023 сыл Дойдуга бэриниилээх буолуу сылынан биллэриллибитэ. Муус устар 27 күнүгэр — Саха Өрөспүүбүлүкэтин төрүттэммит күнүгэр “Айыллаан” култуура киинигэр “Хара нэһилиэгэ” тыа сирин түөлбэтэ тэрийэн “Хара нэһилиэгэ” 4 томнаах кинигэ ис хоһоонун чэрчитинэн “МЫНДЫР ӨЙ” түөрт оонньуулаах күрэхтэһии сүүмэрдээһинэ ыытылынна.
Икки киһилээх 8 хамаанда: “Кэрэчээн”, “Уһуйааччылар”, “Дьүөгэлиилэр”, “Эдьиийдии балыс”, “Бырааттыылар”, “Айрус”, Терентьевтэр, Елегяевтар дьиэ кэргэн кыттыыны ыллылар. Хара нэһилиэгэр сыһыаннаах блиц-ыйытыыларга эппиэттээн 4 хамаанда “Кэрэчээн”, “Эдьиийдии балыс”, Терентьевтэр, Елегяевтар дьиэ кэргэн сүүмэрдээһини ааһан балаҕан ыйыгар ыытыллар иккис оонньууга кыттыыны ылыахтара.
Тэрээһин иккис чааһыгар мелодист СӨ култууратын үтүөлээх үлэһиттэрэ, биллиилээх ырыа айааччылара Денис Данилов, биир дойдулаахпыт Марфа Данилова – Хатыҥ Ай төрөппүт уоллара Валерий Данилов ырыаларынан “Ыллам ыраҕа ылламмыт – Сахам сирэ!” диэн Хара нэһилиэгин уус-уран кэлэктииптэрин толорууларыгар, ааптар Валерий Данилов кыттыылаах кэнсиэр бэрт сэргэхтик ыытылынна.
