Харабыт үтүө
түөлбэтигэр «САЙЫЛЫК КҮНҮН» олус үчүгэйдик өрө көтөҕүллэн көрүстүбүт.
Аҕам саастаахтарбытыгар икки солуурунан дыргыччы кус миинин күөстээн утары
ууннубут. Көрү-нары көҕүлүттэн туттубут.
Аан Алахчын ИЙЭ Хотуҥҥа анаан «Салама ыйааһынын» сиэрин ситэрдибит,
туомун толордубут.
Харабыт үтүө түөлбэтин тэбэр сүрэҕэ «АЙЫЛЛААН» култуура киинэ сыл
ахсын субу курдук үтүө тэрээһини оройуттан тутар.

*Харабыт үтүө
түөлбэтин байанайдаах булчуттарыгар барҕа баһаам махталбытын тиэрдэбит!*
Өрүү субу курдук ылсан-бэрсэн, истиҥи иитэн, Аар Айылҕабыт ирээттээбит күндү
үтүөтүн, көтөр кынаттааҕын, түөлбэбит  дьонугар өрүү утары уунаргытыттан
оҕолуу истиҥник үөрэбит.
Өбүгэбит үгэһинэн, сахалыы сиэринэн, тутуспутунан ис эйгэбитин кэҥэтэ туруоҕуҥ.
Туппуппут тупса турдун!
Ылсыбыппыт ыпсан истин!
Этэҥҥэ күөххэ үктэннибит

🌿🌿🌿🌿🌿🌿🌿
ҮҮММҮТ  САҤА  ДЬЫЛ  ҮГҮС  ҮТҮӨНҮ  ҮМҮРҮ  ТАРДАН  АҔАЛЛЫН!
АЙЫЛЛААН ААРТЫКТАРА

#алгысачыырап